Saudiyya Ta Buge Argentina A Gasar Wasa

Daga BBC Hausa

Saudiyya ta doke Argentina 2-1 a wasan farko na rukunin C na gasar cin kofin duniya da ake ci gaba da yi a Qatar.

Lionel Messi ne ya fara ci wa Argentina a bugun fenareti minti 10 da fara wasa.

To amma a minti na 48, wato jim kadan bayan dawowa hutun rabin lokaci ne Saudiyya ta farke ta hannun Al-Shehri.

Kuma minti biyar bayan haka a minti na 53 Al-Dawsari ya ci wa Saudiyya kwallo ta biyu.

A yanzu Saudiyya ce ke jan teburin da maki uku, yayin da Argentina take ta karshe.

Idan anjima za a buga wasa na biyu a rukunin tsakanin Poland da Mexico.

Leave a Reply

Your email address will not be published. Required fields are marked *

%d bloggers like this: